മൂന്നാ൪
.
ഒരു മുഗ്ദ്ധസ്വപ്നംപോല്‍ കേരളമണ്ണിന്‍
കിഴക്കേച്ചരുവിലായ് മേവുന്ന സുന്ദരി
പച്ചയാം പട്ടിന്റെ ചേലയും ചുറ്റിയി -
ട്ടാര്‍ദ്രമാം പുഞ്ചിരി തൂകിയാ സുന്ദരി
മാനവഹൃദയത്തിലാഹ്ലാദവര്‍ഷം
ചൊരിഞ്ഞങ്ങു നില്‍ക്കയാണീ സഹ്യപുത്രി
ദൂരെയങ്ങാകാശസീമയെ ചുംബിക്കും
തേയിലക്കാടിന്‍ ഹരിതാഭ കൗതുകം
നല്ലിളംകാറ്റിന്റെ കൈപിടിച്ചോടുന്ന
കോടമഞ്ഞാകും കുസൃതിക്കുരുന്നുകള്‍
എത്ര സുഭഗമീ മാമാലക്കൂട്ടത്തിന്‍
കണ്ണുപൊത്തിക്കളി, കണ്ടു നിന്നീടുകില്‍!
ഉണ്ണിക്കൈ രണ്ടിലും വെണ്ണയുമായ് നില്‍ക്കും
കാര്‍മുകില്‍ വര്‍ണ്ണനെപ്പോലൊരാകാശവും
കാലികള്‍ മേയാനായ് പുല്‍ത്തടം തീര്‍ത്തിട്ടു
നീളെക്കുതിക്കുന്ന കല്ലോലിനികളും
പര്‍വ്വതപുത്രനൊന്നങ്ങതാ ദൂരത്തു
നീര്‍ച്ചാലു തീര്‍ക്കുന്ന പൂണൂലുമിട്ടിട്ടു
ഗായത്രിമന്ത്രം ജപിച്ചങ്ങു കാറ്റിനാല്‍
നിൽക്കയാണര്‍ക്കന്നു സ്വാഗതമോതുവാന്‍
മാമരക്കൂട്ടങ്ങള്‍ മേലെ നിവര്‍ത്തിയി -
ട്ടായിരം പൂക്കള്‍ തന്‍ വര്‍ണ്ണക്കുടകളും
പോകുവാനാവാതെ ശങ്കിച്ചു നിൽപ്പൂ ഞാ-
നീ വശ്യസുന്ദരഭൂമികയില്‍ നിന്നു
.
ഒരു മുഗ്ദ്ധസ്വപ്നംപോല്‍ കേരളമണ്ണിന്‍
കിഴക്കേച്ചരുവിലായ് മേവുന്ന സുന്ദരി
പച്ചയാം പട്ടിന്റെ ചേലയും ചുറ്റിയി -
ട്ടാര്‍ദ്രമാം പുഞ്ചിരി തൂകിയാ സുന്ദരി
മാനവഹൃദയത്തിലാഹ്ലാദവര്‍ഷം
ചൊരിഞ്ഞങ്ങു നില്‍ക്കയാണീ സഹ്യപുത്രി
ദൂരെയങ്ങാകാശസീമയെ ചുംബിക്കും
തേയിലക്കാടിന്‍ ഹരിതാഭ കൗതുകം
നല്ലിളംകാറ്റിന്റെ കൈപിടിച്ചോടുന്ന
കോടമഞ്ഞാകും കുസൃതിക്കുരുന്നുകള്‍
എത്ര സുഭഗമീ മാമാലക്കൂട്ടത്തിന്‍
കണ്ണുപൊത്തിക്കളി, കണ്ടു നിന്നീടുകില്‍!
ഉണ്ണിക്കൈ രണ്ടിലും വെണ്ണയുമായ് നില്‍ക്കും
കാര്‍മുകില്‍ വര്‍ണ്ണനെപ്പോലൊരാകാശവും
കാലികള്‍ മേയാനായ് പുല്‍ത്തടം തീര്‍ത്തിട്ടു
നീളെക്കുതിക്കുന്ന കല്ലോലിനികളും
പര്‍വ്വതപുത്രനൊന്നങ്ങതാ ദൂരത്തു
നീര്‍ച്ചാലു തീര്‍ക്കുന്ന പൂണൂലുമിട്ടിട്ടു
ഗായത്രിമന്ത്രം ജപിച്ചങ്ങു കാറ്റിനാല്‍
നിൽക്കയാണര്‍ക്കന്നു സ്വാഗതമോതുവാന്‍
മാമരക്കൂട്ടങ്ങള്‍ മേലെ നിവര്‍ത്തിയി -
ട്ടായിരം പൂക്കള്‍ തന്‍ വര്‍ണ്ണക്കുടകളും
പോകുവാനാവാതെ ശങ്കിച്ചു നിൽപ്പൂ ഞാ-
നീ വശ്യസുന്ദരഭൂമികയില്‍ നിന്നു
No comments:
Post a Comment