കണ്ണാനിന്‍ പൊന്മുഖം കണ്ടതില്ല -നിന്റെ
മധുരമാം മുരളി ഞാന്‍ കേട്ടതില്ല
നിന്കാല്‍ ചിലമ്പിന്റെ താളത്തിലിളകുന്ന
കാളിന്ദിതീരത്തു വന്നതില്ല -ഞാന്‍
ഒരുനാളുമൊരുനാളും വന്നതില്ല
(കണ്ണാ .........)
നിന്നനുരാഗിണി രാധയായൊരുനാളും
നിന്നോടു കളിചൊല്ലാന്‍ കൊതിച്ചതില്ല
നീ കവര്‍ന്നെടുക്കുന്ന നവനീതകുംഭങ്ങള്‍
നിനക്കായിയൊരുനാളും നിറച്ചതില്ല
ഒരുനാളുമൊരുനാളും നിറച്ചതില്ല
(കണ്ണാ ..........)
എങ്കിലും നിന്‍രൂപമൊരുമയില്‍പീലിയായ്
എന്മനതാരില്‍ ഞാനൊളിച്ചുവെച്ചു
ആരാരും കാണാതെയൊളിച്ചുവെച്ചു .
അതിന്‍നീല നൂലിഴയോമനിച്ചെന്നുമെന്‍
ഹൃദയമാഹ്ലാദത്തിലലിഞ്ഞുപോകും
നിന്റെ പീതാംബരപ്പൊന്നൊളിയെന്‍കണ്ണില്‍
നിറയുമാസ്നേഹത്തിന്‍പ്രഭചൊരിയും..
(കണ്ണാ .........)
