പുലരി

പുലരി 

ഒരു നിശീഥിനിക്കപ്പുറം ഭൂമിയെ 
അരുമയായ് വന്നു പുല്കുന്നു പുലരിയും 
കരുണയോടവൾ ചേർത്തണയ്ക്കുന്നു 
വിരുന്നു വന്നിടും മഞ്ഞുതുള്ളിയെ 

          പുഞ്ചിരിച്ചുകൊണ്ടായിരം പൂക്കളും 
          പാട്ടുമൂളി വന്നെത്തുന്ന തെന്നലും 
          പുലരിതൻ വശ്യ ഭംഗിയിൽ നോക്കി 
          പുത്തിലഞ്ഞികൾ പൂവുതിര്‍ക്കുന്നു 

നേർത്തൊരാലസ്യമൊക്കെയും ചേർന്നു 
വല്ലികൾ സുപ്രഭാതത്തിൻ മാറിലായ് 
കോർത്തൊരാ മാലയർപ്പിക്കയായിവിടെ 
തെല്ലിടയ്ക്കായ് സുഗന്ധാനുരാഗിലം 

          കൊഴിഞ്ഞു വീണതാം നിശാന്ധകാരത്തിൻ 
          കന്മദക്കല്ലു ചെർത്തടുക്കിവെ-
          ച്ചൊരു വൃഥാ സ്മരണ മണ്ഡപം തീർത്തു 
          കരുതലോടെയീ ദിനകരൻ തനയ ....