ഇന്നലെയുടെ നിഴല്‍ വീണുപരന്ന ഈ ഇടവഴിയില്‍
എത്രയോ ദൂരം നാം കൈകോര്‍ത്തു നടന്നിരുന്നു!
കുറുകുന്ന പ്രാക്കള്‍പോല്‍ നാമെത്ര സ്വകാര്യങ്ങള്‍ പങ്കുവെച്ചു
കൈമാറിയ മന്ദസ്മിതങ്ങളില്‍ സ്വപ്നങ്ങളെത്ര കൈമാറി..
എന്തിനുമല്ലാതെ എത്രയെത്ര കലഹിച്ചതാണീ ഇടവഴിയില്‍
ഈ ചെറിയ ഇടവഴിയിലൂടെ നടന്നു തീര്‍ത്തതെത്രയോ ദൂരം!
ഒടുവില്‍.. ഒന്നു കൈവീശുകപോലുംചെയ്യാതെ...
ഒരുമാത്ര ഒന്നു തിരിഞ്ഞൊന്നു നോക്കാതെ
നീ നടന്നു മറഞ്ഞതും ഈ ഇടവഴിയുടെ അപ്പുറത്തേയ്ക്ക്...
എന്റെ സ്വപ്നങ്ങളും മോഹങ്ങളും കടന്നുപോയതും
ഈ ഇടവഴിയിലൂടെ...നിശ്ശബ്ദമായ്....
ജീവിതത്തിന്റെ നൊമ്പരങ്ങളൊക്കേയും
ഘോഷയാത്രയായ് നടന്നെത്തിയതും ഈ ഇടവഴിയിലൂടെ..
മുക്കുറ്റിപ്പൂവുകള്‍ ഒളികണ്ണാല്‍ നോക്കുന്ന ഈ വഴിയോരവും
ചെമ്പകപ്പൂക്കളുടെ നേര്‍ത്ത സുഗന്ധം പേറുന്ന കാറ്റും
ഓര്‍മ്മകളുടെ പ്രഭയുതിര്‍ക്കുന്ന മഞ്ഞിന്‍ കണങ്ങളും
ഒപ്പംനടക്കുന്ന ഈ ഇടവഴിയില്‍............
ഞാനെന്നാണൊന്നു തനിച്ചാവുക!
എത്രയോ ദൂരം നാം കൈകോര്‍ത്തു നടന്നിരുന്നു!
കുറുകുന്ന പ്രാക്കള്‍പോല്‍ നാമെത്ര സ്വകാര്യങ്ങള്‍ പങ്കുവെച്ചു
കൈമാറിയ മന്ദസ്മിതങ്ങളില്‍ സ്വപ്നങ്ങളെത്ര കൈമാറി..
എന്തിനുമല്ലാതെ എത്രയെത്ര കലഹിച്ചതാണീ ഇടവഴിയില്‍
ഈ ചെറിയ ഇടവഴിയിലൂടെ നടന്നു തീര്‍ത്തതെത്രയോ ദൂരം!
ഒടുവില്‍.. ഒന്നു കൈവീശുകപോലുംചെയ്യാതെ...
ഒരുമാത്ര ഒന്നു തിരിഞ്ഞൊന്നു നോക്കാതെ
നീ നടന്നു മറഞ്ഞതും ഈ ഇടവഴിയുടെ അപ്പുറത്തേയ്ക്ക്...
എന്റെ സ്വപ്നങ്ങളും മോഹങ്ങളും കടന്നുപോയതും
ഈ ഇടവഴിയിലൂടെ...നിശ്ശബ്ദമായ്....
ജീവിതത്തിന്റെ നൊമ്പരങ്ങളൊക്കേയും
ഘോഷയാത്രയായ് നടന്നെത്തിയതും ഈ ഇടവഴിയിലൂടെ..
മുക്കുറ്റിപ്പൂവുകള്‍ ഒളികണ്ണാല്‍ നോക്കുന്ന ഈ വഴിയോരവും
ചെമ്പകപ്പൂക്കളുടെ നേര്‍ത്ത സുഗന്ധം പേറുന്ന കാറ്റും
ഓര്‍മ്മകളുടെ പ്രഭയുതിര്‍ക്കുന്ന മഞ്ഞിന്‍ കണങ്ങളും
ഒപ്പംനടക്കുന്ന ഈ ഇടവഴിയില്‍............
ഞാനെന്നാണൊന്നു തനിച്ചാവുക!
