നിഴല്‍വഴിയില്‍.....

നിഴല്‍വഴിയില്‍.....

=============

നിരത്തി വെയ്ക്കാന്‍

തിരുശേഷിപ്പുകളൊന്നുമില്ലാത്ത

ഘോഷയാത്ര..

ചമല്‍കാരങ്ങളഴിച്ചുവെച്ചു

കണ്ണുപൂട്ടിയാല്‍

തെളിഞ്ഞുവരുന്ന ശൂന്യത..

യാത്രപറഞ്ഞുപിരിയാന്‍

ഈ വീഥിയില്‍ 

ഒരുവഴിവിളക്കുപോലും

ബാക്കിയില്ല..

ഇരുള്‍ നിറഞ്ഞതെങ്കിലും

നിലവിളികളുയരാത്ത

യുദ്ധഭൂമിയുടെ നനഞ്ഞ മണ്ണ്.....

അപ്പുറത്തെത്താന്‍ ഇനിയെത്ര ദൂരംബാക്കി!

അറിയില്ല..... 

എങ്കിലും നീട്ടിയ കാല്‍വെയ്പ്..

കുഴഞ്ഞുവീഴില്ലെന്നൊരുറപ്പുമാത്രം-

ഹൃദയത്തിന്‍ വെളിച്ചം.

പോകണം-വഴികടന്ന്, പുഴകടന്ന്,

ഏഴുകടലും മലയും കടന്ന്..

മുക്തിതന്‍ മധുരംകിനിയുമൊരു തേന്‍തുള്ളി നുണയാന്‍

നിര്‍വൃതിയിലലിയാന്‍..

നിഴല്‍വഴികളിലൂടെ

ഈ യാത്ര..