പിന്നെയും നിന്നെയും കാത്ത്

 കാവ്യതീർത്ഥം പെയ്തൊഴിയാതെ

നിമിഷകവിതാമത്സരം 

വിഷയം : പിന്നെയും നിന്നെയും കാത്ത്

----------------------------------------------------------

സഹസ്രകാതങ്ങൾക്കുമകലെയാണെങ്കിലു-  

മോമനേ, നീയാണെൻ ഹൃദയത്തിൻ സ്പന്ദനം 

പൊന്നുണ്ണിപ്പൈതലേ, നിൻ വദനാംബുജം 

കാണുകിലമ്മയ്ക്കവാച്യമാമാനന്ദം!

ഒന്നുതലോടുവാ, നൊരുമുത്തമേകുവാൻ 

കൊതിയായി കണ്മണീ, വരിക വേഗം. 

പ്രാർത്ഥിച്ചിടുന്നു ഞാ, നീശനോടെന്നുമാ 

 പൊൻപ്രഭതൂകും സുദിനമെത്താൻ.

അറിയില്ല നീ വന്നുചേരുവോളം കോവിഡ്

അഴലെനിക്കേകാതൊഴിയുമെന്നോ! 

കാത്തിരിക്കുന്നു ഞാ,നിക്കൊറോണക്കാല-

മോർമ്മയായ്ത്തീരുവാൻ, നീ വന്നു ചേരുവാൻ.